Saturday 11-27, 2021, 1:13 am
Bittabazar

कारोबारको पहिलो दिन नै सिंगटी हाइड्रोको शेयरमूल्य ७.८४ प्रतिशत बढ्यो,कतिमा भयो कारोबार ?

२०७८ बैशाख १५

काठमाडौं । बुधवारदेखि कारोबार सुरु भएको सिंगटी हाइड्रो इनर्जी लिमिटेडको शेयर मूल्य पहिलो दिनमै ७ दशमलव ८४ प्रतिशत बढेको छ । पहिलो दिन प्रतिकित्ता २४ रुपैयाले बढेर कम्पनीको अन्तिम मूल्य ३३० रुपैया कायम भएको छ ।

कम्पनीको एसएचइएल स्टक संकेत बाट दोस्रो बजारमा कारोबार सुरु भएको हो । प्रतिकित्ता ३०६ रुपैया देखि कम्पनीको शेयर कारोबार खुला भएको हो । कम्पनीले बुधवार कुल १ करोड ४५ लाख कित्ता शेयर सूचीकृत गराएको थियो ।

प्रि ओपनिङ सेसनमा प्रतिकित्ता ३०६ रुपैयामा कारोबार म्याच भएकाले नियमति शेसनमा नेप्सेले तोकेको अधिकतम मूल्यभन्दा बढीमै कम्पनीको शेयर कारोबार खुला भएको हो । पहिलो कारोबार दिन कम्पनीको २ लाख ९ हजार ७०० रुपैयाबराबरको ६४० कित्ता शेयर कारोबार भएको छ । यो कारोबार ६४ पटकको व्यापारमा भएको हो ।