Tuesday 12-07, 2021, 1:36 am
Bittabazar

टिभिएसको एनटर्क-१२५ सुपरस्क्वाड नेपालमा सार्वजनिक

२०७८ बैशाख ६

काठमाडौं । टिभिएस मोटर कम्पनीले टिभीएस एनटर्क–१२५ सुपरस्क्वाड संस्करण नेपालमा सार्वजनिक गरेको छ। आइतबार कम्पनीले डिज्नी इन्डियाको उपभोक्ता उत्पादन व्यवसायसँग सहकार्य गरी टिभिएस एनटर्क–१२५ नेपालमा लन्च गरेको हो।

तीन रंग, इन्भिन्सिबल रेड, स्टिल्थ ब्ल्याक, र कम्ब्याट ब्लूमा उपलब्ध यो स्कुटर नेपाली बजारमा लोकप्रिय हुने विश्वास कम्पनीले व्यक्त गरेको छ।

सार्वजनिक कार्यक्रममा टिभीएस मोटर कम्पनीका इन्टरनेसनल बिजनेसका कार्यकारी उपाध्यक्ष आर दिलीपले सुपरस्क्वाड नेपालमा ब्लकबस्टर बन्न सक्ने आधार रहेको बताएका थिए।

टिभीएस एनटर्क १२५ ले नेपालमा सार्वजनिक भएदेखि नै आफ्नो बेजोड स्टाइल, उत्कृष्ट रेसिंग प्रेरित पर्फमेन्स र अन्य स्कुटरमा नभएको ब्लुटुथ टेक्नोलोजीले नयाँ जेनेरेसनका ग्राहक आकर्षित गर्न सक्छ। सुपरस्क्वाड संस्करण ब्लकबस्टर हुनेमा हामी विश्वस्त छौँ,’ उनले भने।