Wednesday 11-24, 2021, 4:42 pm
Bittabazar

सार्वजनिक सवारी साधनको भाडा बढेपछि कुन रुटको भाउ कति पर्‍यो? हेर्नुस् सूची

२०७५ आश्विन ८

काठमाडौं : यातायात व्यवसायीहरुको दबाबका कारण सवारी साधनको भाडा १० प्रतिशत बढाउन बाध्य भएको सरकारले आइतबार देशभरका रुटको भाडादर तय गरेको छ। यातायात व्यवस्था विभागले देशभर चल्ने यात्रुबाहक र मालबाहक सवारी साधनको भाडादर निर्धारण गरेको हो।

विभागले काठमाडौं उपत्यका भित्र तथा बाहिर सबै रुटमा चल्ने सवारी साधनको भाडादर तय गरेको जनाएको छ।

विभागले पेट्रोलको मूल्य प्रतिलिटर ११४ रुपैयाँ र डिजेलको मूल्य प्रतिलिटर १०१ रुपैयाँलाई आधार मानी भाडा दर तय गरेको उल्लेख गरेको छ। अब प्रति लिटर पाँच रुपैयाँ माथि वा तल भएमा मूल्य समायोजन हुने पनि विभागले बताएको छ।